Ebbe un Hehn - En plattdüütsch Book för junge Lüüd

Ebbe un Hehn - das Buch

Thadde is meist dörteihn. Deerns finnt he blööd un ok de Mudder is egens pienlich. Thaddes Vadder leevt in en anner Stadt, un Thadde is sik nich ganz seker, of dat woll en Steefvadder dorto geven kunn, schull sien “Ma” ehren neen Fründ heiraden…

„Ebbe un Hehn” is keen Kinnerbook, dat is för junge Lüüd.

Un dor geiht dat üm:
Üm Ebb un Flood, üm Schepen un Seehunnen, üm Aanten in de Deel, blaue Hüüs. Un üm den neen Fründ vun Thadde sien Ma. Dat geiht üm miese Musseln, Ohrenknieper, Waalfischsupp, Cola in Spaghettis, Fischen, de smöken doot, Waddenswien. Doröver, dat dat suur is mit grote Lüüd. Över Fööt in ’n Slick. Nachtens ahn Slaap.
Wille Geschichten, dösige Öllern. Rümspinnen. Een roothaarte Deern. Dat geiht dorüm, dat du de richtigen Lüüd drapen deist.

„Ebbe un Hehn“ geiht över dat Groot-Warrn.

208 illustr. Seiten, Hardcover
EUR 24,80
ISBN 978-3-7961-1919-4

Hier gifft dat wat to 'n Nalesen

Ebbe un Hehn - Dat Höörbook

Ebbe un Hehn - Dat Höörbook
Keen nich lesen kann, schall hören!

Mit den Schünemann-Verlag in Bremen tohoop is dat Höörbook vun "Ebbe un Hehn"  torecht komen. Birgit Lemmermann sülvst hett ehr Book för junge Lüüd inleest. Un nu gifft dat "Ebbe un Hehn" op 5 CDs, mit en Höörtiet vun meist 6 Stünnen. Allerbest för lange Autofahrten un kommodige Avends un Nachtens ahn Slaap. För junge Lüüd af  twelf oder dörteihn. Bit över negentig. To kriegen över den Schünemann-Verlag. (www.schuenemann-verlag.de), över den Bookhannel oder ok över disse Websiet.

Ebbe un Hehn - De Priesen

Lüttjepütt-Pries 2007

Lüttjepütt-Pries 2007 för "Ebbe un Hehn"

Birgit Lemmermann hett den Lüttjepütt-Preis vun de Neddersassische Spaarkassenstiften kregen. De Laudatio hett de Sänger un Ledermaker Wolfgang Rieck hollen. Mehr vun dissen kloken Keerl kriegt Ji ünner www.wolfgang-rieck.de. Dor künnt Ji ok sien wunnerbaar Musik bestellen oder em glieks boken.

Ebbe un Hehn is "Plattdeutsches Buch des Jahres 2007"

Op de 10. plattdüütsche Bökermess in Hamborg hett Birgit Lemmermann för ehr Book Ebbe un Hehn en nee'en Pries kregen. As "Plattdeutsches Buch des Jahres" is dat Book för junge Lüüd nu uttekent, un disse Preis weer utlöövt vun de Carl-Toepfer-Stiften ut Hamborg un dat Institut för nedderdüütsche Spraak in Bremen.